ຄະນະເທັກໂນໂລຢີຂໍ້ມູນຂ່າວສານ
 |
ວິທະຍາໄລ ສຸດສະກະ ເພື່ອການບໍລິຫານ ແລະ ເທັກໂນໂລຢີ ແມ່ນສະຖາບັນການສຶກສາແຫ່ງໜຶ່ງທີ່ເປັນຜູ້ນໍາດ້ານການສຶກສາທີ່ກ່ຽວຂ້ອງກັບເທັກໂນໂລຢີຂໍ້ມູນຂ່າວສານໃນ ສ ປ ປ ລາວ. ວິທະຍາໄລພວກເຮົາສົ່ງເສີມ ແລະ ປູກຝັງໃຫ້ນັກສຶກສາມີແນວຄິດສ້າງສັນ,ຢາກຮູ້ຢາກເຫັນ ແລະ ມັກຊອກຫາຄວາມຮູ້ໃສ່ຕົວຢູ່ສະເໝີ. ວິທະຍາໄລພວກເຮົາສະເໜີຫຼັກສູດທີ່ມີຄຸນນະພາບເຊິ່ງນັກສຶກສາທີ່ຮຽນຈົບຫຼັກສູດດັ່ງກ່າວຈະມີຄວາມສາມາດເປັນທີ່ຕ້ອງການຂອງບໍລິສັດ ຫຼື ອົງການຕ່າງໆທັງພາຍໃນ ແລະ ຕ່າງປະເທດ. ຫຼັກສູດຂອງຄະນະພວກເຮົາຍັງຝຶກໃຫ້ນັກສຶກສາມີຄວາມຮູ້ດ້ານວິຊາການ ແລະ ເຮັດວຽກຕົວຈງເພື່ອໃຫ້ມີປະສົບການ ສິ່ງເລົ່ານີ້ຈະເປີດໂອກາດໃຫ້ນັກສຶກສາສາມາດພັດທະນາທັກສະຄວາມຮູ້ຂອງຕົນທີ່ຈໍາເປັນສໍາລັບວຽກງານໃນອະນາຄົດ. |
ວິທະຍາໄລ ສຸດສະກະ ເພື່ອການບໍລິຫານ ແລະ ເທັກໂນໂລຢີ ມີສາຍພົວພັນທີ່ດີກັບບັນດາບໍລິສັດທີ່ເຄື່ອນໄຫວທຸລະກິດກ່ຽວຂ້ອງກັບເທັກໂນໂລຢີຂໍ້ມູນຂ່າວສານທັງພາຍໃນ ແລະ ຕ່າງປະເທດ. ຫຼັກສູດຕ່າງໆໄດ້ຮັບການອອກແບບຂຶ້ນ ໂດຍຜ່ານການປຶກສາຫາລືແລະແລກປຽນຄໍາຄິດຄໍາເຫັນກັບບັນດາທຸລະກິດ ແລະ ອົງການຕ່າງໆ ເພື່ອສາມາດສ້າງນັກສຶກສາໃຫ້ມີຄວາມຮູ້ຄວາມສາມາດເໝາະສົມກັບຍຸກສະໃໝ່ ແລະ ເປັນທີ່ຕ້ອງການຂອງສັງຄົມ. ອາຈານສອນກໍລ້ວນແລ້ວແຕ່ແມ່ນອາຈານທີ່ມີຄຸນວຸດທິສູງ ແລະ ມີບົດບາດທີ່ສໍາຄັນໃນຂົງເຂດເທັກໂນໂລຢີຂໍ້ມູນຂ່າວສານໃນ ສ ປ ປ ລາວ ເຊິ່ງຈະນໍາເອົາຄວາມຮູ້ ຫຼື ເທັກໂນໂລຢີໃໝ່ໆມາແນະນໍາໃຫ້ນັກສຶກສາໄດ້ຮຽນ.
ພວກເຮົາໄດ້ມີການພັດທະນາຫຼັກສູດ ແລະ ອຸປະກອນປະກອບການສອນຢ່າງຕໍ່ເນື່ອງ ໃຫ້ມີຄວາມທັນສະໃໝ່ຢູ່ສະເໝີ ເພື່ອໃຫ້ທັນກັບການປ່ຽນແປງທີ່ວ່ອງໄວຂອງເທັກໂນໂລຢີຂໍ້ມູນຂ່າວສານ.
ຫຼັກສູດຊັ້ນປະລິນຍາຕີສາຂາວິທະຍາສາດຄອມພິວເຕີ້
ຫຼັກສູດໄລຍະສັ້ນ
:: ຫຼັກສູດຊັ້ນປະລິນຍາຕີສາຂາວິທະຍາສາດຄອມພິວເຕີ້ ::
ຫຼັກສູດຊັ້ນປະລິນຍາຕີສາຂາວິທະຍາສາດຄອມພິວເຕີ້ນີ້ ຖືກອອກແບບມາເພື່ອສ້າງນັກສຶກສາໃຫ້ມີທັກສະ ແລະ ຄວາມຮູ້ຄວາມສາມາດດ້ານທິດສະດີ ແລະ ພາກປະຕິບັດຕົວຈິງ. ນັກສຶກສາຈະໄດ້ຮຽນຮູ້ ແລະນຳໃຊ້ເທັກໂນໂລຢີຂໍ້ມູນຂ່າວສານທີ່ທັນກັບຍຸກສະໄໝ. ຫຼັກສູດດັ່ງກ່າວນີ້ ສ້າງນັກສຶກສາໃຫ້ມີແນວຄວາມຄິດສ້າງສັນ ແລະ ມີຄວາມສາມາດທາງດ້ານ Multimedia ແລະ Graphic Design, ມີທັກສະດ້ານການພັດທະນາໂປຣກຣາມຄອມພິວເຕີ້ທີ່ມີຄວາມສັບຊ້ອນສູງ, ສາມາດອອກແບບ ຕິດຕັ້ງ ແລະ ຄຸ້ມຄອງລະບົບເຄື່ອຄ່າຍຄອມພິວເຕີ້ ທີ່ນຳໃຊ້ລະບົບປະຕິບັດການແບບ Windows ແລະ Linux ໄດ້ຢ່າງດີ ແລະ ສາມາດພັດທະນາຕົນເອງໃຫ້ທັນກັບສະພາບການປ່ຽນແປງຂອງໂລກເທັກໂນໂລຢີຂໍ້ມູນຂ່າວສານໄດ້.
ໃນຫຼັກສູດນີ້ ນັກສຶກສາຈະຕ້ອງໄດ້ຮຽນວິຊາຕ່າງໆທີ່ມີໜ່ວຍກິດປະມານ 159 ແລະ ລົງຝຶກງານຢູ່ທີ່ອົງການຕ່າງໆທີ່ທາງວິທະຍາໄລໄດ້ຈັດໃຫ້. ໃນລະຫວ່າງການຝຶກງານ ນັກສຶກສາຈະຕ້ອງໄດ້ຂຽນບົດຄົ້ນຄ້ວາຈົບຫຼັກສູດຂອງຕົນທີ່ມີຫົວຂໍ້ກ່ຽວຂ້ອງກັບຂະແໜເທັກໂນໂລຢີຂໍ້ມູນຂ່າວສານ.| ໄລຍະເວລາການຮຽນ: | 5 ປີ ຫຼື 10 ເທີມ |
| ເງື່ອນໄຂເຂົ້າຮຽນ: | ຜູ້ສະໝັກຕ້ອງຈົບການສຶກສາຊັ້ນມັດທະຍົມຕອນປ່າຍ ຫຼື ທຽບເທົ່າ. |
ກຸມປະເພດວິຊາຮຽນ:
ວິຊາຄວາມຮຼ້ພື້ນຖານ |
ວິຊາຄວາມຮູ້ພື້ນຖານທີ່ນັກສຶກສາຈະໄດ້ຮຽນມີເປົ້າໝາຍເພື່ອຝຶກໃຫ້ນັກສຶກສາມີຄວາມຮູ້ພື້ນຖານດ້ານພາສາ ແລະ ວັດທະນະທຳລາວ, ກົດໝາຍພື້ນຖານ, ລະບົບການເມືອງລາວ, ຈິດຕະວິທະຍາ, ສະພາບແວດລ້ອມ, ສັງຄົມວິທະຍາ, ປັດຊະຍາ, ຄອມພິວເຕີ້ ແລະ ພື້ນຖານກ່ຽວກັບເລກ ແລະ ເສດຖະສາດ. |
ວິຊາຫຼັກຂອງ |
ວິຊາຫຼັກຂອງວິທະຍາໄລແມ່ນວິຊາບັງຄັບຂອງຫຼັກສູດດັ່ງກ່າວ ເຊິ່ງມີເປົ້າໝາຍເພື່ອຝຶກໃຫ້ນັກສຶກສາມີທັກສະທີ່ຈໍາເປັນໃນການປະຕິປັດວຽກງານໃນສະພາບແວດລ້ອມທີ່ມີການປ່ຽນແປງຢູ່ຕະຫຼອດເວລາ. ນັກສຶກສາຈະໄດ້ຮັບການຝຶກ ແລະ ສາມາດພັດທະນາຕົ້ນເອງກ່ຽວກັບທັກສະທາງດ້ານການວິເຄາະປັນຫາ, ສາມາດແກ້ໄຂປັນຫາດ້ວຍວິທີທີ່ສ້າງສັນ, ສາມາດສື່ສານກັບບຸກຄົນອື່ນໄດ້ຢ່າງມີປະສິດທິ ພາບ ແລະ ສາມາດນຳພາສະມາຊິກຂອງກຸ່ມ ຫຼື ໜ່ວຍງານປະຕິບັດໜ້າທີ່ໄດ້ຢ່າງປະສົບຜົນສຳເລັດ. |
ວິຊາຫຼັກທີ່ກ່ຽວກັບຄອມພິວເຕີ້ |
ບັນດາວິຊາດັ່ງກ່າວນີ້ແມ່ນເນັ້ນຝຶກໃຫ້ນັກສຶກສາມີທັກສະ ແລະ ຄວາມສາມາດດ້ານການວິເຄາະ, ອອກແບບ ແລະ ພັດທະນາລະບົບ ທີ່ຈຳເປັນໃນການພັດທະນາລະບົບເທັກໂນໂລຢີຂໍ້ມູນຂ່າວສານທີ່ນຳໃຊ້ໃນອົງການຕ່າງໆ. |
ວິຊາເລືອກ |
ໃນຕອນທ້າຍຂອງຫຼັກສູດ ນັກສຶກສາ ສາມາດເລືອກຮຽນວິຊາເລືອກທີ່ຕົນມັກ ແລະ ມີຊຳນານໄດ້ ເຊິ່ງຈະກ່າຍເປັນຂະແໜງການລົງເລິກຂອງຕົນ. |
ການຝຶກງານຕົວຈິງ ແລະ ຂຽນບົດຄົ້ນຄ້ວາຈົບຊັ້ນ |
ສິ່ງທີ່ສຳຄັນອີກຢ່າງໜຶ່ງຂອງຫຼັກສູດນີ້ ແມ່ນນັກສຶກສາຈະຕ້ອງໄດ້ລົງຝຶກງານຕົວຈິງກັບບໍລິສັດ ຫຼື ອົງການຕ່າງໆ ໃນຕອນທ້າຍຂອງການຮຽນ ເພື່ອໃຫ້ນັກສຶກສາໄດ້ມີປະສົບການການເຮັດວຽກຕົວຈິງໃນຂະແໜງການທີ່ຕົນໄດ້ຮໍ່າຮຽນ ແລະ ທັງສາມາດຮຽນຮູ້ເຖິງວັດທະນະທຳ ແລະ ວິທີປະຕິບັດໃນທຸລະກິດຕົວຈິງ. ໄລຍະເວລາການຝຶກອົບຮົມຕໍາສຸດແມ່ນ 2 ເດືອນ. ໃນລະຫວ່າງ ແລະ ພາຍຫຼັງຈາກການລົງຝຶກງານ, ນັກສຶກສາຈະຕ້ອງໄດ້ຂຽນບົດຄົ້ນຄ້ວາຈົບຫຼັກສູດຂອງຕົນ ເຊິ່ງມີຫົວຂໍ້ກ່ຽວຂ້ອງກັບຂະແໜງການຮຽນຂອງຕົນ. |
ຫຼັກສູດໄລຍະສັ້ນຕ່າງໆທີ່ອອກແບບມາເພື່ອໃຫ້ເໝາະສົມກັບນັກສຶກສາທີ່ມີຄວາມຕ້ອງການຮຽນສະເພາະວິຊາທີ່ຕົນມັກມີດັ່ງລຸ່ມນີ້:
- ການບໍລິຫານເທັກໂນໂລຢີຂໍ້ມູນຂ່າວສານ (Information Technology Management)
- ການພັດທະນາໂປຣກຣາມຄອມພິວເຕີ້ທີ່ມີຖານຂໍ້ມູນ (Database Application Development)
- ການຕິດຕັ້ງແລະສ້ອມແປ່ງຄອມພິວເຕີ້ (PC Hardware Setup & Trouble Shooting)
- ການຄຸ້ມຄ້ອງລະບົບເຄືອຂ່າຍຄອມພິວເຕີ້ທີ່ມີລະບົບປະຕິບັດການແບບ Linux ຫຼື Windows Server (Network Administration-Linux or Windows Server)
- ການພັດທະນາ Web Site (Web Site Development-Dream Weaver and Flash)
- ການອອແບບຮູບກຣາບຟິກ (Multimedia and Graphic Design)
- ການນໍາໃຊ້ໂປຣກຣາມລະບົບຂໍ້ມູນກ່ຽວກັບພູມີສາດ (Geographical Information Systems (GIS) – MapInfo, Arc GIS (Arc Map)
- ການນໍາໃຊ້ໂປຣກຣາມອອກແບບດ້ານວິຊະວະກຳ AutoCAD
- ການນຳໃຊ້ໂປຣກຣາມດ້ານຖານຂໍ້ມູນ (MS Access)
- ໂປຣກຣາມຄອມພິວເຕີ້ນຳໃຊ້ໃນຫ້ອງການ (Office Computing with MS Office-Word, Excel, PowerPoint, Outlook Express, Internet and Basic Computer Studies)
- ການນຳໃຊ້ໂປຣກຣາມຄຸ້ມຄອງໂຄງການ (MS Project)
- ການນຳໃຊ້ໂປຣກຣາມສະຖິຕິ (SPSS)